聽友留言板

聽到今，陳雷先的廣播劇已經是我歇睏時的期待矣：）

文章真美，有文字因該會更好

今仔日聽「講古小火車」，尾仔目箍紅紅，流落傷心的目屎，想起阿母共我講過，阮大阿姨無結婚，我拄出世無偌久，就想欲育我做查某囝，阮阿母閣較散，嘛欲共我留佇身邊家己飼，因為伊細漢就是予爸母送出去予人做囝，真毋甘願！我實在足感恩阮阿母辛苦共我晟大漢，這馬我嘛是做人的老母，感受真深！阿母，感謝你，辛苦矣！我愛你！

自從聽陳雷先生的廣播劇了後，聽著真濟腔口差，足心適！嘛學著一寡寫作的技巧，實在是世界感恩有遮爾好的電台，用心將文字用聲音表現出來，感謝曾文溪廣播電台！

今仔日聽“拍”這篇文章，心情誠沉重。 我嘛捌因為家己的無知，用拍的方式教示家己的囝，這馬想著誠後悔。 我應該愛勇敢面對我的錯誤，揣機會共怹會失禮。

今仔日這篇“拍”予我誠大的衝擊。 因為我嘛是受著較早序大人錯誤的教育關念影響，認為“囡仔人無拍毋成樣”，佇阮囝細漢的時陣，我嘛捌攑箠仔共怹摃，這馬想起來誠後悔。 雖然，這馬怹攏長大成人矣！我嘛應該愛揣機會共怹會失禮。

請問「閒」專輯愛按怎購買 春春謠足好聽

這期問題的選項2.查某囝仔 內底“查某囝仔”的“囝”若照教育部臺灣閩南語辭典的用字，愛寫做“囡”才著。

我讀國校仔的時陣，有一个同學是阮厝邊，伊的外媽是茄萣仔人，嘛是有「tà」 這个腔口的話尾。 不時阮若問伊：「代誌敢是按呢？」伊就會應講：「hènn tà,是tà,著tà,無錯tà」 實在有夠心適。

請問廣播劇敢有重播的時間