-
您的購物車沒有加入任何商品
您的購物車沒有加入任何商品
雨夜花 作詞/周添旺、作曲/鄧雨賢、演唱/純純
雨夜花 雨夜花 受風雨吹落地 無人看見 每日怨嗟 花謝落土不再回
花落土 花落土 有誰人倘看顧 無情風雨 誤阮前途 花蕊哪落欲如何
雨無情 雨無情 無想阮的前程 並無看顧 軟弱心性 乎阮前途失光明
雨水滴 雨水滴 引阮入受難池 怎樣乎阮 離葉離枝 永遠無人倘看見
望春風 作詞/李臨秋、作曲/鄧雨賢、編曲/仁木、演唱/純純
獨夜無伴守燈下 清風對面吹 十七八 未出嫁 見著少年家
果然標緻面肉白 誰家人子弟 想要問伊驚呆勢 心內彈琵琶
思要郎君作夫婿 意愛在心內 待何時 君來採 青春花當開
忽聽外頭有人來 開門該看覓 月老笑阮憨大獃 被風騙不知
心酸酸 作詞/陳達儒、作曲/姚讚福、演唱/秀巒
我君離開千里遠 放阮冷淡守家門 未食未睏腳手軟 暝日思君心酸酸
無疑一去無倒返 辜負青春暝暝長 連批連信煞來斷 害阮等無心酸酸
一時變心抹按算 秋風慘淡草木黃 風冷情冷是無向 光景引阮心酸酸
閒花嘆 作詞/李臨秋、作曲/鄧雨賢、編曲/奧山貞吉、演唱/純純
想當初 糖蜜甜 為家貧拆分離 東西別 兩鄉里 鴛鴦情失了去
牛郎織女欲相見 每年在天河邊阮的七夕待何時 目屎流滿盡時
君在外 路頭遠 阮掛念心頭酸 待何時 會回返 免你妻掛心腸
看人雙對看月光 咱十五在何方暝日目屎拌菜飯 思郎君瘦青黃
月夜愁 作詞：周添旺、作曲：鄧雨賢、編曲：奧山貞吉、演唱：純純
月色照在三線路 風吹微微 等待的人那未來心內真可疑 想昧出彼個人 啊...怨嘆月暝
敢是註定無緣份 所愛的伊 因和乎阮放昧離夢中來相見 斷腸詩唱昧止 啊...憂愁月暝
更深無伴獨相思 秋蟬哀啼 月光所照的樹影加添阮傷悲 心頭酸目屎滴 啊...無聊月暝
白牡丹 作詞/陳達儒、作曲/陳秋霖、演唱/根根
白牡丹笑呅呅 妖嬌含蕊等親君 無憂愁無怨恨 單守花園一枝春啊 單守花園一枝春
白牡丹白花蕊 春風無來花無開 無亂開無亂美 不願旋枝出牆圍 啊 不願旋枝出牆圍
白牡丹等君挽 希望惜花頭一層 無嫌早無嫌慢 甘願給君插花瓶 啊 甘願乎君插花瓶
青春嶺 作詞/陳達儒、作曲/蘇桐、演唱/王福
雙人形到青春嶺 鳥隻唸歌送人行溪水清清流昧定 天然合奏音樂聲 啊～青春嶺 青春嶺頂自由行
嶺頂春花紅白蕊 歡喜春天放心開 蝴蝶賞花成雙對 花腳自由亂亂飛 啊～青春嶺青春嶺頂自由行
春風微微吹嶺頂 四邊無雲天清清青春歡喜青春景 春色加添咱熱情 啊～青春嶺 青春嶺頂自由行
台北行進曲 作詞/張雲山人、作曲/井田一郎、演唱/純純
(尾段歌詞不全)
本島首都臺北市 夜間風景甚希奇 公園有名貓狗戲 黃昏演恰一半暝
文明查某嬰 真標緻 那西施 噴水池邊 樹腳挺椅 二ケ講恰笑微微
行入蓬萊閣旗亭 走樓親切恰叮嚀 檢番花譜提來擇 幼良寶惜及桂英
曲唱清風亭 寶連燈 二進宮 李樣起興 黃樣起統 二ケ對唱献西城
行到臺北第一樓 看見男女亂吵吵 不知為何塊計較 都是嫖客被吊猿
檢番隨時到 老蔥頭 講阮兜 一个皆後 一个皆頭 無錢也敢欲來嫖
娛樂機關XXXXXX流行叨一款 XXXXXXXXXXXXXX
XXXXX走三關XXXXXXXXXX
四季紅 作詞/李臨秋、作曲/鄧雨賢、演唱/純純/豔豔
春天花清香 雙人心頭齊震動有話想要對你講 不知通也不通 叨一項 敢也有別項 目呅笑 目睭講 你我戀花朱朱紅
夏天風輕鬆 雙人坐船在遊江有話想要對你講 不知通也不通 叨一項 敢也有別項 目呅笑 目睭講 水底日頭朱朱紅
秋天月紗窗 雙人相好有所望有話想要對你講 不知通也不通 叨一項 敢也有別項 目呅笑 目睭講 嘴唇胭脂朱朱紅
冬天霜雪凍 雙人燒酒喝不茫有話想要對你講 不知通也不通 叨一項 敢也有別項目呅笑 目睭講 燈照面色朱朱紅
夜半的大稻埕 作詞/陳君玉、作曲/姚讚福、演唱/純純
(中尾段歌詞不全)
夜半躺在窗仔口 外頭靜悄悄掛在心肝頭的伊 伊?在招搖 感覺神聖的身軀 想要捆啦 四邊神秘的香味 XX阮鼻洞
雨水滴聲XXX 遠遠在挑眉 無風無雨的幻影 路上也無人 只有不知更深的 跳舞的音樂 流出古樂一聲聲 擾亂阮心弦
XXXX看X你XX無XX 秀英正展清香味 知苦在港邊 這陣甘會度一個 甜蜜的夢魘 若有無聊哭出時 透早天光時
