-
您的購物車沒有加入任何商品
您的購物車沒有加入任何商品
望春風 作詞/李臨秋、作曲/鄧雨賢、編曲/仁木、演唱/純純
獨夜無伴守燈下 清風對面吹 十七八 未出嫁 見著少年家
果然標緻面肉白 誰家人子弟 想要問伊驚呆勢 心內彈琵琶
思要郎君作夫婿 意愛在心內 待何時 君來採 青春花當開
忽聽外頭有人來 開門該看覓 月老笑阮憨大獃 被風騙不知
雨夜花 作詞/周添旺、作曲/鄧雨賢、演唱/純純
雨夜花 雨夜花 受風雨吹落地 無人看見 每日怨嗟 花謝落土不再回
花落土 花落土 有誰人倘看顧 無情風雨 誤阮前途 花蕊哪落欲如何
雨無情 雨無情 無想阮的前程 並無看顧 軟弱心性 乎阮前途失光明
雨水滴 雨水滴 引阮入受難池 怎樣乎阮 離葉離枝 永遠無人倘看見
想要彈像調 作詞/陳君玉、作曲/鄧雨賢、演唱/純純
心肝想要 甲伊彈像調 那知心頭又飄遙 只恨無緣通同伴 滿腹的心潮 心肝悶 總想味曉
手舉琵琶 思想欲來彈 敢著愛彈相思歌 乎伊會知影著我 愛甲伊相看 琴對琴 双双和彈
彈了一曲 又再彈一調 心調流落攏茫渺 風吹樹腳靜悄悄 樹頭甘無瞭 孤單夜 是單思調
農村曲 作詞/陳達儒、作曲/蘇桐、演唱/青春美
透早就出門 天色漸漸光 受苦無人問行到田中央 屈在田中央 為著顧三噹 顧三噹 不驚田水冷霜霜
炎天赤日頭 悽慘日中昼 有時踏水車有時塊搔草 希望好日後 苦工用透透 用透透 曝日不知汗哪流
日頭那落山 工課即有煞 日日是同款忍著寒甲熱 獨有可爽快 就是稻仔大 稻仔大 阮的過日就快活
河邊春夢 作詞/周添旺、作曲/黎明、演唱/靜韻
河邊春風寒 怎麼阮孤單 仰頭一個看幸福人作伴 想見伊對我 實際是相瞞 到底是按盞 不知阮心肝
昔日在河邊 遊賞彼當時 實情與實意可比月當圓 想伊做一時 將阮來放離 乎阮若想起 恨伊薄情義
四邊又寂靜 聽見鳥悲聲 目周看橋頂目屎滴胸前 自恨呆環境 自嘆這薄命 雖然春風冷 難得冷實情
青春嶺 作詞/陳達儒、作曲/蘇桐、演唱/王福
雙人形到青春嶺 鳥隻唸歌送人行溪水清清流昧定 天然合奏音樂聲 啊～青春嶺 青春嶺頂自由行
嶺頂春花紅白蕊 歡喜春天放心開 蝴蝶賞花成雙對 花腳自由亂亂飛 啊～青春嶺青春嶺頂自由行
春風微微吹嶺頂 四邊無雲天清清青春歡喜青春景 春色加添咱熱情 啊～青春嶺 青春嶺頂自由行
新娘的感情 作詞/陳君玉、作曲/鄧雨賢、演唱/青春美
昨暝啊 袂困朦朦想 朦朦想 也那歡喜做新娘 也驚穿插人譬相東想西也想 鑼鼓聲 八音聲 听着撞房內的聲 噯約 眠眠來打驚
今日啊 講是和合日 和合日 父母減阮通做陣 阮麼過位來結親結親離鄉親 大炮聲 小炮聲 忽然轎門躂一聲 噯約 害阮着一驚
六禮啊 當也行好細 行好細 花燭房內靜靜坐 想着祖家變外家外家變祖家 說笑聲 喝拳聲 聽卜鬧洞房的聲 噯約 心肝茹車車
美麗島 作詞/黃得時、作曲/朱火生、演唱/芬芬
你看呢 一二三 水牛食草過田岸 鳥秋娘啊來做伴 胛脊頂騎咧看高山 美麗島 美麗島 咱台灣
你看呢 好思雙 晚飯食飽閒仙仙某唱山歌尪拉弦 香蕉下月娘出廳簷美麗島 美麗島 咱台灣
你看呢 甘蔗園 阿兄賢做酥蜜糖愛情蜜甜卡甜糖 一步行一步心頭糖美麗島 美麗島 咱台灣
落花恨 作詞/李臨秋、作曲/王雲峰、演唱/愛愛
春天尚未過 青葉就脫退 薄情少年家全是你一個 蕾蕊有卜採 花叢你不愛 自己想看覓 良心說出來
放阮卜按盞 酸風亂心肝 無人同情我只有冷月伴 彼暗離別合 一去無回頭 害阮冥日哭 做鬼到你兜
